Kreu i Prokurorisë së Posaçme Antikorrupsion (SPAK), Altin Dumani, raportoi sot në Kuvend për aktivitetin e institucionit gjatë vitit 2024.
Gjatë fjalës së tij, Dumani iu përgjigj pyetjeve të deputetëve, ndërkohë që ish-kryeministri Sali Berisha ndërhyri nga vendi, duke kërkuar që pyetjet të lexoheshin një nga një për t’u adresuar më pas nga Dumani. Kryeparlamentari Niko Peleshi kërkoi vijimin normal të seancës.
Mes pyetjeve që iu drejtuan Dumani ishte edhe ajo e deputetit Luçiano Boçi, i cili kërkoi sqarime pse kryeministri Edi Rama nuk është hetuar nga SPAK.
Dumani u përgjigj se aktualisht Prokuroria e Posaçme nuk ka nisur procedim penal ndaj kryeministrit dhe renditi disa argumente që mbështesin këtë vendim.
Pyetja e Luçiano Boçit: Pse SPAK e ka shpallur të paprekshëm Edi Ramën?
Dumani: Për SPAK nuk ka të paprekshëm! Në çdo procedim penal hetohet fillimisht në drejtim të faktit penal dhe më tej një drejtim të autorëve të veprës penale. Të gjitha këto raste që përmendi prokurorët kryejnë hetime të gjithanshëm. Siç e kam thënë edhe më parë, për prokurorët e posaçëm nuk kanë rendësi emrat por vetëm provat.
