Ditën e enjte vendi ynë do të ndikohet nga kushte atmosferike relativisht të paqëndrueshme për shkak të depërtimit gradual të masave ajrore të ftohta dhe të lagështa.
Moti parashikohet deri në orët e pasdites me kthjellime dhe alternime vranësirash në shtim gradual mesatare deri dhe të dendura. Pas orëve të pasdites mot kryesisht i vranët në pjesën më të madhe të territorit. Në orët e pasdites reshje shiu me intensitet të ulët fillimisht në zonën e veriperëndimit. Më pas në orët e vona të mbrëmjes përgjatë ultësirës perëndimore reshje shiu me intensitet të ulët dhe lokalisht deri mesatar në formën e shtrëngatave. Mjegull / mjegullinë në orët e mëngjesit në zonat luginore të vendit si dhe në momentin e reshjeve të shiut.
Era parashikohet të fryjë me drejtim verilindje – juglindje me shpejtësi mesatare 1-8 m/sek, shoqëruar me valëzimin në dete të forcës 1 ballë.
