Shtetet e Bashkuara të Amerikës kanë goditur një anije, e cila dyshohet se po trafikonte drogë në Oqeanin Paqësor. Pas sulmeve në Karaibe ndaj anijeve që dyshohet se transportonin drogë, forcat amerikane kanë kryer operacionin e tyre të parë në brigjet e Paqësorit të Amerikës së Jugut.
Mediat e huaja shkruajnë se nga ky sulm mbetën, të vrarë tre persona në bord. Ky është sulmi i tetë amerikan kundër trafikantëve të dyshuar të drogës që nga 2 shtatori. Më shumë se 30 persona janë vrarë në shtatë anije, të cilat janë goditur në Karaibe. Operacionet ushtarake të kryera nga Uashingtoni, me qëllimin për të luftuar kartelet e trafikut të drogës, kanë shkaktuar tensione të mëdha në marrëdhëniet e SHBA-së me Venezuelën dhe Kolumbinë.
