Policia e Lezhës ka treguar një reagim të shpejtë dhe efikas, duke identifikuar dhe arrestuar në një kohë të shkurtër një 38-vjeçar të dyshuar për vjedhjen e një automjeti në lagjen “Nënë Tereza.” Njëherësh, gjatë kontrollit të automjetit të tij, është gjetur edhe një celular, i cili dyshohet se është vjedhur më parë në Rinas.
Ngjarja ndodhi pas njoftimit se një automjet ishte vjedhur në zonë. Shërbimet e forcës “Shqiponja,” së bashku me Policinë Rrugore, organizuan një operacion të shpejtë për kapjen e autorit. Si rezultat i këtyre veprimeve operative, pak minuta pas vjedhjes, u identifikua dhe u arrestua shtetasi L. L., banues në Lezhë.
Policia ka konfirmuar se vijon puna për zbardhjen e vjedhjeve të tjera që ky shtetas mund të ketë kryer, duke theksuar rëndësinë e dëshmive dhe materiale të tjera përhetimin që do t’i kalojnë Prokurorisë pranë Gjykatës së Shkallës së Parë Lezhë për veprime të mëtejshme.
