Një aksident i pazakontë ka ndodhur sot në aksin rrugor Vlorë–Orikum, në afërsi të fshatit Radhimë. Një automjet tip “Volkswagen” që drejtohej nga shtetasi G.D., është përplasur me katër kuaj që ndodheshin në mes të rrugës.
Si pasojë e përplasjes, të katër kafshët kanë ngordhur në vend, ndërsa automjeti ka pësuar dëmtime materiale.
Sipas raportimeve automjeti dyshohet se po lëvizte me shpejtësi mbi normat e lejuara në momentin e ngjarjes.
Drejtuesi i makinës është marrë në pyetje nga specialistët e policisë rrugore të Vlorës.
