Vendi bosh në Gjykatën Kushtetuese, pas përfundimit të mandatit të gjyqtares Holta Zaçaj, ka ndezur një debat të fortë në lidhje me mënyrën e përzgjedhjes së anëtarëve në këtë instancë të lartë. Qendra e këtij debati është një votë e cila, sipas dokumenteve të siguruara nga Top Channel, mund të ketë ndikuar në rezultatet e procesit.
Në mbledhjen e posaçme të Gjykatës së Lartë, gjyqtari Asim Vokshi u shpall fitues me 6 vota, ndryshe nga kanditatja Naureda Llagami, e cila mori 9 vota, por njëra prej tyre u shpall e pavlefshme nga një komision teknik i brendshëm. Ky komision, me në krye sekretaren e Gjykatës së Lartë, vendosi të mos e konsideronte të vlefshme votën për Llagamin, duke hequr kështu të drejtën për t’u shpallur fituese, përkundër faktit se ajo kishte mbledhur shumicën e kërkuar prej 3/5 të votave.
Ky proces ka ngritur shqetësime të mëdha mbi integritetin e sistemit gjyqësor në Shqipëri. Nëse votat e qarta mund të kontestohen dhe shpallen të pavlefshme, çfarë garancie kanë qytetarët për një drejtësi të përmirësuar në çështjet e tyre?
Naureda Llagami e ka kundërshtuar vendimin për shpalljen e pavlefshmërisë së votës në Gjykatën Administrative, duke argumentuar se nuk janë plotësuar kushtet për heqjen e vlefshmërisë së saj sipas rregulloreve. Pavarësisht kërkesës së saj për shfuqizim dhe pezullim të vendimit, Gjykata Administrative e hodhi poshtë këtë kërkesë duke thënë se çështja kalonte juridiksionin e saj.
Situata aktualisht ndodhet në duar e Gjykatës Kushtetuese, e cila po shqyrton çështjen e shpalljes së rezultatit real të votimit. Ky proces ka ndaluar emërimin e anëtarit të nëntë të Kushtetueses dhe ka shtuar dyshime mbi besueshmërinë e sistemit gjyqësor.
Top Channel ka kërkuar publikimin e procesverbalit të votimit, duke theksuar se gjykata e drejtësisë nuk duhet të lë hapësirë për padrejtësi përmes vendimeve të paqarta, duke theksuar se çdo shenjë në një fletë votimi ka rëndësi të madhe për historinë e drejtësisë shqiptare.
