Një objekt i dyshuar si granatë luftarake, i lënë në një stol në orët e para të mëngjesit, rezultoi të jetë një lodër imituese, njoftojnë zyrtarët e Policisë së Kukësit pas kontrollit në vendin e ngjarjes.
Nga kallëzimi i banorëve, policia u njoftua menjëherë dhe forcat e rendit izoluan zonën duke kufizuar lëvizjen në shëtitoren drejt ish-“Turizmit të Ri” për të garantuar sigurinë publike. Në vendngjarje punuan specialistët e grupit të ekspertëve për municione dhe pajisje të dyshimta, si dhe qen nuhatës për eksplozivë dhe mjetet përcjellëse.
Pas një kontrolli nga ekipet e specializuara, u konstatua se objekti nuk përbënte rrezik ai ishte një lodër imituese dhe nuk përmbante lëndë shpërthyese.
