Sam Altman, kreu i ChatGPT, ka njoftuar se në muajin dhjetor do të publikohet një version më pak të censuruar i chatbot-it, i dedikuar ekskluzivisht për përdoruesit e rritur.
Ky version i ri do të jetë në gjendje të trajtojë tema dhe fantazi erotike, duke shënuar një ndryshim të rëndësishëm në qasjen e kompanisë ndaj përmbajtjes sensuale. Altman tha se “ne do t’i trajtojmë të rriturit si të rritur”, që sugjeron një zgjerim të lirisë së shprehjes për përdoruesit.
Kompania OpenAI ka pasur deri më tani një politikë të rreptë, duke evituar përmbajtjen e guximshme dhe duke mbrojtur përdoruesit nga tema të ndjeshme.
Megjithatë, Altman pranon se këto kufizime kanë “hequr magjinë” e eksperiencës dhe se tani, me mjetet më të sigurta, mund të lehtësojnë këto rregulla pa rrezikuar shëndetin mendor të përdoruesve.
Versioni i ri do të përfshijë filtra sigurie të përmirësuar dhe kontroll prindëror, duke lejuar interaksione më personale.
Për më tepër, Altman njoftoi një veçori të re personalizimi, duke mundësuar përdoruesve të zgjedhin një “personazh” dhe stil për ChatGPT-në e tyre, qoftë me flirtim, humor, ose madje edhe romantizëm. Ky version i ri, sipas Altman, do të ofrojë biseda më të gjalla, duke afruar përvojën me atë të bisedave njerëzore.
Njoftimi ka shkaktuar reagime të përziera: disa e quajnë atë një “revolucion në intimitetin dixhital”, ndërsa të tjerë shohin një “zbehje të rrezikshme të kufijve” ndërmjet njeriut dhe makinës.
Kritika vjen edhe në kontekstin e hetimeve që po kryen Komisioni Federal i Tregtisë për mbrojtjen e të miturve dhe shëndetit mendor lidhur me produktet e IA-së.
OpenAI po krijon gjithashtu një Këshill për Mirëqenien dhe IA-në, me qëllimin për të mbikëqyrur sigurinë emocionale të përdoruesve dhe për të vendosur kufij për ndërveprime të shëndetshme.
Analistët theksojnë se kompania po përpiqet të kombinojë sensualitetin me sigurinë, duke e ripërcaktuar konceptin e “intimitetit” në epokën e teknologjisë.
ChatGPT, duke qenë më ekspresiv dhe autentik tani, ka shanse të hapin një kapitull të ri në marrëdhëniet midis njerëzve dhe inteligjencës artificiale.
