Në Tiranë, në datat 13-14 tetor, mbahet Forumi i parë i Investimeve BE–Ballkani Perëndimor (EU–WB6).
Presidentja e Komisionit Evropian, Ursula von der Leyen, ndodhet në Tiranë. Ajo ka zhvilluar një konferencë me kryeministrin Edi Rama.
Në fjalën e saj, Presidentja von der Leyen vlerësoi progresin e madh që ka bërë Shqipëria në vitet e fundit në negociatat me BE.
Ajo theksoi se Shqipëria është në rrugën e duhur drejt BE-së dhe nënvizoi se Komisioni Evropian e mbështet vendin tonë në çdo hap.
Ursula von der Leyen: Kënaqësi të kthehem sërish në Shqipëri dhe ta nis turin këtu në Tiranë. Shqipëria është në rrugën e duhur drejt BE. Ju keni bërë rrugë të gjatë, progress. Por unë dua të theksoj se është një progress i mrekullueshëm, shpejtësi rekord dhe përshpejtim të vërtetë në tre vitet e fundit. 5 nga 6 kapitujt janë hapur dhe të fundin do ta hapim këtë vjeshtë. E di përpjekjen tuaj personale dhe të ekipit tiaj në këtë udhëtim.
Qëllimi është mbyllja e negociatave brenda 2027, na pëlqen ambicia dhe ne jemi të gatshëm dhe me ju në çdo hap. Momenti gjeopolitik është këtu, agresioni i Rusisë në Ukrainë ka riformësuar kontinentin tonë. Shqipëria e ka bërë zgjedhjen e saj mjaft të qartë. Jeni plotësisht në përputhje me politikën e jashtme dhe të sigurisë me BE dhe së bashku veprojmë si një. I dashur Edi mesazhi im i fundit Shqipëria e do Europën dhe një studim i kohës së fundit ka treguar që edhe nëse do bëhej një referendum sot, 90% e shqiptarëve do votonin për antëtarëzimin në BE. Ky është sinjali më i qartë i të gjithave, gjenerata e re do të jetojë në një BE të fortë, të sigurt dhe të bashkuar.
