Ministria e Brendshme ka vendosur të ndalojë përkohësisht qarkullimin e monopatinave elektrike në rrugët e vendit, pas shtimit të aksidenteve me këto mjete.
Sipas njoftimit, qarkullimi i monopatinave elektrike do të lejohet vetëm pas hartimit të rregullave të qarta që përcaktojnë përdorimin e tyre, përfshirë korsitë, rrugët apo hapësirat e lejuara, kriteret për moshën e përdoruesve dhe masat mbrojtëse si ndriçimi, përdorimi i helmetës dhe shpejtësia e lejuar.
Vendimi synon gjithashtu të ndalojë aktivitetin e dhënies me qira të monopatinave elektrike derisa të përcaktohen rregullat e reja për përdorimin e tyre.
