Dy vëllezër janë arrestuar nga policia në Durrës. Të dy shtetasit plagosën me thikë një 32-vjeçar, dyshohet se pas një konflikti të çastit, për motive të dobëta.
Ngjarja ndodhi rreth orës 18:45, në lagjen nr. 4 të qytetit.
32-vjeçari është transportuar në spitalin e Durrësit, ku po merr ndihmë mjekësore dhe ndodhet jashtë rrezikut për jetën.
“Rreth orës 18:45, në lagjen nr. 4 Durrës, dyshohet se pas një konflikti të çastit, dyshohet për motive të dobëta, shtetasit E.G, 36 vjeç dhe I. G. 33 vjeç, (vëllezër) kanë plagosur me mjet prerës (thikë), shtetasin G. B., 32 vjeç”, njoftoi policia.
Grupi hetimor nën drejtimin e Prokurorisë po punon për sqarimin e plotë të rrethanave të rastit.
