Një 41-vjeçar me origjinë shqiptare humbi jetën tragjikisht disa ditë më parë në Itali.
Elton Dema, banues në Azzano San Paolo ndërroi jetë më 20 nëntor pas një aksidenti në punë.
Mediet italiane bëjnë me dije se Dema ishte baba i katër fëmijëve, trembëdhjetë, dhjetë, shtatë dhe pesë vjeç. Familja e tij ka vendosur që të kthejë trupin në vendlindje, në Kukës.
Aksidenti i rëndë ndodhi mëngjesin e së hënës, më 18 nëntor, ku shqiptari u shtyp nga një pirun në vendin e punës.
Ai u dërgu me urgjencë në spital dhe ndërroi jetë pas dy ditësh për shkak të plagëve të rënda./ilirianews.
