Partia Demokratike kërkon dorëheqjen e ministres së Punëve të Brendshme, Albana Koçiu pas vrasjes së gjyqtarit Astrit Kalaja në sallën e gjyqit më 6 tetor në Gjykatën e Apelit.
Në seancën plenare të ditës së sotme, kreu i Grupit Parlamentar të PD-së, Gazment Bardhi tha se është e papranueshme që një gjyqtar të vritet në sallën e gjyqit.
Bardhi: Sot seancën duhet ta kishim nisur me një fjalë dorëheqje të ministres së Brendshme. Është e papransueshme që një gjyqtar të vritet në sallën e gjyqit duke lexuar vendimin dhe ministrja e Brendshme të gënjejë opinion publik se policia e shtetit nuk ka detyrime për të garantuar sigurinë në institucinet e drejtësisë në rastin konkert në Gjykatën e Apelit. Është detyrë e Policisë së Shtetit që të garantojë sigurinë në institucionet e drejtësisë dhe në gjykatat e këtij vendi. Kjo çështje nuk mund të kalojë si një çështje dite. Kurrë nuk ka ndodhur që një gjyqtar të vritet në sallën e gjyqit. Kryeministri duhet të vijë dhe të japë përgjigje pse për tre vite nuk i është përgjigjur kërkesës së organeve të drejtësisë për të shtuar masat e sigurisë në Gjykatat e vendit.
