Gjykata e Tiranës ka caktuar masën e sigurimit “arrest në burg” për Imer Krrashin, i cili shkaktoi aksidentin në Unazën e Madhe.
Ai nuk iu bind urdhrit të policisë për kontrollin e makinës dhe më pas u arrestua me armë.
Në sallë, 30-vjeçari deklaroi: “Jam penduar për ngjarjen. Kam qenë në gjendje paniku dhe ankthi, nëna më vuan nga kanceri, ndërsa babai më ka ndërruar jetë pak kohë më parë, çka e kam përjetuar keq. Kam qenë në gjendje ankthi dhe paniku. Marr mjekime për ankthin dhe depresionin. Kam qenë në gjendje të rënduar. Marr përsipër të dëmshpërblej pasojat e veprimeve të mia, të paguaj dëmet ndaj personave që janë lënduar apo dëmtuar mjetet”.
Tre ditë më parë, Krrashi u arrestua në zonën e Unazës së Madhe në Tiranë për armëmbajtje pa leje pas një ndjekje nga policia ku për pasojë u përplasën disa automjete dhe një motrr, drejtuesi dhe pasagjeri i këtij të fundit mbetën të lënduar të cilët rezultuan të ishin një efektiv policie jashtë orarit të punës me bashkëshorten e tij.
