Një konflikt i thellë familjar ka shpërthyer në familjen Musta në Tiranë, për pronësinë e një banese të thjeshtë, duke edhe dhunë mes nënës dhe fëmijëve të saj.
Nënë Sofia Musta po përballet me dhunën dhe kërcënimet nga djali i saj, Ardian Musta, i cili pas martesës së dytë, kërkon të jetojë në të njëjtën banesë. Ardiani ka nxjerrë jashtë nga shtëpia motrën, Entelën Musta, dhe të birin, dhe pas denoncimit, Ardiani përfundoi në burg.
Nënë Sofia jeton e vetme në banesë dhe ka vendosur një kamerë, për të monitoruar ngjarjet, pasi Ariani, pavarësisht urdhrit të mbrojtjes, e kërcënon me fjalë fyese dhe ushtron dhunë. Në një nga debatet e regjistruara, Ardiani i thotë nënës së tij fjalë të papërshtatshme dhe kërkon të mbyllë dhomën, që pretendon se i përket.
“Quhem Sofie Musta, jam 75 vjeçe. Me djalin nuk shkoj asnjëherë mirë, është 51 vjeç. Ka një martesë të dytë, u njoh me atë dhe ma solli në shtëpi. E mori dhe i thashë që unë shtëpinë këtu nuk ka, sepse kam vajzën dhe djalin e vajzës. Mbi atë nuk vë njeri, më ndihmon e mi bën të gjitha gjërat. Kurse im bir dhunë pas dhune, sa i bërtitën edhe policat. Djali e tërhoqi djalin me forcë dhe ndërhyri vajza. Unë e kam denoncuar, ka bërë burg për herë të dytë, se për herë të parë e çoi gruaja atje. E ka rrahur”, tregon nënë Sofia.
Motra, Entela Musta, ka marrë urdhër mbrojtjeje dhe shprehet se ka frikë të kthehet në banesë për shkak të sjelljes agresive të të vëllait.
“Dua të jem këtu, por ai më pengon. Një herë tha që hajde ti, por të mos vijë djali jot, njëherë na tha na që po vajtët atje tre do ju vras. Tani se si qëndron ky muhabet unë nuk e di. Kam frikë të vij. Unë jam e hapur për negociatë që unë të rri këtu, dhe për aq sa atij i takon unë t’i jap diçka që ai të paguajë qiranë dhe unë të rrijë te nëna. Një ndër shkaqet është pasuria, apartamenti 1+1. Problemi kryesor është ai i pronësisë”, tregon Entela.
Entela ka vendosur një kamerë në banesën e nënës së saj, dhe në një prej filmimeve djali, Ariani i cili përdor një gjuhë shumë të papërshtatshme ndaj nënës së tij. Ai kishte hyrë në shtëpi, duke thyer masën “urdhër mbrojtje”.
Sofie Musta, denoncuese: More urdhër mbrojtjeje ti, prapë.
Arian Musta: Jo, urdhër mbrojtjeje nuk kam marrë unë, se nuk ke asnjë lloj fakti ti, që të bësh urdhër mbrojtjeje.
Sofie Musta, denoncuese: Fakte kam. Unë nuk kam besim te ti, se ti më vret.
Arian Musta: Ashtu t’i mori goca pesë milionë lekë. Nuk ka punë gjyqi fare. Kam pjesën time këtu. Do mbyllet dhoma ime këtu, pikë!
Sofie Musta, denoncuese: Dhomën nuk e mbyll ti, sa të jem gjallë unë, jo, njëherë! I ke thënë nënës tënde “k* rvë”.
Arian Musta: Po k* rvë je!
Sofie Musta, denoncuese: K* rvë jam?
Arian Musta: Po, k* rvë je!
Ariani pretendon se nuk e shqetëson motrën dhe se ajo ka shkaktuar problemet e tij ligjore, duke e futur në burg, pasi kërkon të marrë pronësinë e banesës.
“Aspak nuk e kam shqetësuar, unë jam në shtëpi me qira. U bë një kohë e gjatë që unë nuk kam shkuar në shtëpi dhe nuk e kam shqetësuar. I gjithë problemi qëndron tek pronësia, kërkon ta marrë motra dhe mua të më nxjerrë fishek përjashta”, thotë Arian Musta.
/Emisioni “Stop”
