Është zbardhur ekspertiza ligjore mbi vdekjen e 61-vjeçarit Gjergj Tusha, i cili u gjet një ditë më parë i pajetë në zonën e Lezhës.
Sipas mjekëve ligjorë, shkaku i vdekjes ka qenë goditja e rëndë që i ka shkaktuar demi që Tusha mbante përkujdesje.
Ekspertiza ka përcaktuar se plaga nuk është shkaktuar nga armë zjarri, por nga dëmtime të forta fizike, përfshirë thyerje të brinjëve.
Hetimet kanë konfirmuar se në kohën e ngjarjes 61-vjeçari ndodhej duke ruajtur bagëtinë, ndërsa në brirët e demit janë gjetur njolla gjaku, që përforcojnë pistën se ai është autor i tragjedisë.
Gjithashtu raportohet se në dëshminë e saj, bashkëshortja e viktimës ka pranuar se kafsha ishte e egër dhe se kishte paralajmëruar të shoqin për rrezikun që mund t’i kanosej.
