Ditën e sotme, në orën 17:00, në kryeqytet do të zhvillohet një marshim sensibilizues për situatën në Gaza.
Tubimi do të mbahet në sheshin “Skënderbej” dhe është organizuar nga një grup qytetarësh shqiptarë dhe të huaj, pjesë e grupimit “Palestina e Lirë”.
Ky marshim vjen edhe si reagim ndaj ndalimit të rreth 500 aktivistëve humanitarë të iniciativës Global Sumud Flotilla, mes të cilëve ndodhet edhe një mjeke shqiptare.
Sipas organizatorëve, qëllimi i këtij tubimi është shprehja e solidaritetit, kërkesa për paqe, për lirinë e popullit palestinez dhe për respektimin e të drejtave njerëzore ndërkombëtare.
