Prokuroria e Tiranës ka kërkuar 3 vite burg për Mariela Berishën, e cila ndodhet nën masën e sigurisë “arrest shtëpie”, lidhur me sulmin ndaj 26-vjeçares Klea Prenga, të ndodhur verën e kaluar.
Duke qenë se është kërkuar gjykim i shkurtuar, dënimi i saj mund të reduktohet në 2 vite.
Ndaj motrës tjetër, Antonela Berisha, është kërkuar një dënim prej 3 vitesh shërbim prove, që po ashtu mund të ulet në 2 vite në rast se gjykata pranon procedurën e shkurtuar.
Të dyja motrat u vetëdorëzuan në polici në tetor 2024 dhe akuzohen për veprën penale të “plagosjes së rëndë me dashje”, të kryer në bashkëpunim.
