Qindra qytetarë janë ngritur ditën e sotme në protestë pranë shkollës “Fan Noli” në Tiranë, ku ndodhi edhe ngjarja e rëndë pak ditë më parë që u vra me thikë nga bashkëmoshatari 14-vjeçari, Martin Cani.
Me foton e Martinit në duar, me buqeta me lule në duar dhe sytë në lot, qindra prindër kanë dalë në protestë, ku kërkojnë më shumë siguri në shkolla për fëmijët e tyre.
Marshimi i qytetarëve ka nisur nga shkolla “Fan Noli” drejt Ministrisë së Arsimit, nën moton “prindërit në protestë për sigurinë dhe arsimin e fëmijëve”.
Një nga të pranishmet u shpreh se shteti duhet të marrë masa për këtë ngjarje duke kërkuar dënim kapital për autorët.
