Për herë të parë që nga nisja e luftës, Ukraina ka lëshuar raketat britanike Storm Shadoë me rreze të gjatë thellë brenda territorit të Rusisë.
Një veprim i tillë vjen një ditë pasi Moska tha se ushtria ukrainase kishte përdorur edhe dronë amerikanë ATACMS. Sulmet janë raportuar nga disa media ruse dhe janë konfirmuar nga një zyrtar i ushtrisë ukrainase.
Vendimi i Kievit i mbështetur nga aleatët perëndimorë vjen si përgjigje ndaj vendosjes së më shumë se 10 mijë trupave koerano-verior në fushë betejë nga ana e Rusisë.
Përveç kësaj, SHBA do të lejojë për herë të parë Ukrainën të përdorë minat tokësore me kushtin që ato të përdoren vetëm brenda territorit të saj. Sekretari amerikan në ikje Lloyd Austin tha se ndryshimi në politikën e Uashingtonit për minat tokësore për Ukrainën pason ndryshimin e taktikave nga rusët.
Stafi i ambasadës irlandeze në Kiev është udhëzuar të punojë nga shtëpia ndërkohë ajo ameriakane ka mbyllur dyert këtë të mërkurë për shkak të kërcënimit për një sulm të mundshëm.
“Ambasada e SHBA-ve në Kiev ka marrë informacione për një sulm të mundshëm ajror më 20 nëntor. Në shenjë kujdesi, Ambasada do të mbyllet dhe punonjësit e Ambasadës po udhëzohen të strehohen. Ambasada e SHBA rekomandon që qytetarët amerikanë të jenë të përgatitur të strehohen menjëherë në rast të një alarmi për sulm ajror”, deklaroi Ambasada e SHBA-ve në Kiev
Rusia ka muaj që e paralajmëron Perëndimin se nëse Uashingtoni e lejon Kievin të raketa amerikane, britanike dhe franceze në brendësi të territorit rus, atëherë Moska do t’i konsiderojë këto vende si të përfshira drejtpërdrejt në luftën në Ukrainë.
