Tatimi mbi të ardhurat korporative (CIT) është një taksë që qeveritë vendosin mbi të ardhurat neto, fitimet dhe fitimet e kapitalit të bizneseve.
Në shtetet e OECD-së, CIT përbën rreth 4% të PBB-së. Sipas të dhënave më të fundit, ndarja e tatimit mbi të ardhurat korporative në 27 vende evropiane varion nga 4.2% në Letoni deri në 28.3% në Norvegji.
Norvegjia dhe Irlanda janë përjashtime të dukshme, me Norvegjinë që mbledh 28.3% nga CIT, ndërsa Irlanda renditet e dyta me 21.7%.
Cekia ka një përqindje prej 13.9%, ndjekur nga Turqia (12.8%) dhe Holanda (12.7%). Vendet nordike si Islanda (9.4%), Danimarka (8.7%), Suedia (8.6%) dhe Finlanda (6.8%) janë më afër mesatares evropiane prej 9.8%.
Sipas ekonomistes Cristina Enache, Norvegjia ka shkallë të mesme tatimi korporativ, por përfiton shumë nga sektori i naftës dhe gazit, i cili gjeneron shpesh fitime të mëdha tatimore. Po ashtu, Irlanda ka përfituar nga pozita e saj si një qendër për kompanitë multinacionale.
Midis ekonomive më të mëdha evropiane, Mbretëria e Bashkuar ka përqindjen më të lartë të CIT në të ardhurat totale të taksave, e cila është 10.1%, ndërsa Franca renditet më e ulëta me 5.3%.
Spanja, Italia dhe Gjermania janë gjithashtu nën mesataren evropiane, duke sugjeruar se CIT nuk është një burim domethënës tërësisht për këto ekonomi të ndryshme.
Diferenca në përqindjet e CIT mes vendeve evropiane ndikohet nga struktura ekonomike e secilit vend dhe politika tatimore. Disa vende ofrojnë lehtësira tatimore për tërheqjen e investimeve, të tilla si Irlanda dhe Lituania, ndërsa Estonija dhe Letonia tattojnë vetëm fitimet e shpërndara, duke i lejuar kompanitë të vonojnë detyrimet tatimore.
Norvegjia, me CIT si një përqindje e PBB-së prej 11.7%, është prapë një përjashtim, ndryshe nga mesatarja prej 3.5% e vendetve të tjera.
Shkallët e tatimeve mbi të ardhurat korporative në Evropë për vitin 2024 variojnë mes 20% dhe 25%, me një maksimum prej 35% në Maltë dhe një minimum prej 9% në Hungari.
