Qeveria britanike shpalli sot një plan ambicioz për krijimin e një kartë identiteti dixhitale për qytetarët dhe banorët e përhershëm. Ky inciativë, e cila do të zbatohet për herë të parë në Mbretërinë e Bashkuar, ka për qëllim kryesor të luftojë punën e paligjshme dhe të ofrojë lehtësi për qytetarët në aksesin e shërbimeve esenciale.
Karta e identitetit do të ketë formën e aplikacionit celular dhe do të ulë ndjeshëm mundësitë për punë të paligjshme. Kryeministri Keir Starmer theksoi se mbajtësit e kësaj karte do të kenë mundësi të verifikojnë identitetin e tyre pa nevojën për ta mbajtur fizikisht me vete, dhe se do të jetë e detyrueshme të prezantohet për të vërtetuar të drejtën për të punuar deri në vitin 2029. Të dhënat do të përdoren gjithashtu për akses në shërbime si kujdesi për fëmijët dhe mirëqenia sociale.
Karta e identitetit shënon një ndryshim të rëndësishëm në politikën britanike, pasi vendi nuk ka pasur kartë identiteti që nga heqja e saj pas Luftës së Dytë Botërore. Pjesa më e madhe e popullsisë ka përdorur pasaporta ose leje drejtimi për të verifikuar identitetin e tyre deri tani.
Kjo iniciativë ka ngjallur debate të shumta, sidomos mes forcave politike. Qeveria argumenton se planifikimi i kartës është një masë e nevojshme për të luftuar emigracionin e paligjshëm, i cili shpesh inkurajohet nga lehtësitë për të gjetur punë në Britani. Sipas Downing Street, nisma ka për qëllim të shënjestrojë rrjetet kriminale që ofrojnë kalime të rrezikshme në Kanal.
Megjithatë, ka pasur kritika nga opozita, e cila e sheh planin si një “mashtrim cinik” dhe një thyerje të lirisë civile. Partia Reform UK e përshkroi idenë si një mënyrë për qeverinë që të manipulojë opinionin publik, ndërsa demokratët liberalë shprehen se nuk mbështesin kartat e detyrueshme për shkak të rrezikut për të dhënat personale të qytetarëve. Kritikët argumentojnë se masa nuk do të zgjidhë problemet reale të emigracionit dhe se ndihma për migrantët duhet të fokusohet në rrethana më humane.
