Në daljen e saj të fundit publike, gjatë një fjalimi të mbajtur mbrëmjen e djeshme në New York, në pritjen e organizuar nga Albanian American Relations Council (AARC), Presidentja e Kosovës, Vjosa Osmani, ka vlerësuar me nota të larta qëndrimin e Presidentit të Shqipërisë, Bajram Begaj, në Asamblenë e Përgjithshme të OKB-së.
VIDEO KETU
Osmani theksoi se Presidenti Begaj i bëri krenarë të gjithë shqiptarët me mënyrën dinjitoze dhe të guximshme me të cilën kërkoi njohjen ndërkombëtare të Kosovës nga foltorja e Kombeve të Bashkuara. Ajo shtoi se mbështetja e qartë dhe e hapur nga Shqipëria, në forume të tilla globale, është thelbësore për forcimin e subjektivitetit ndërkombëtar të Republikës së Kosovës dhe për rritjen e përkrahjes në procesin e njohjeve dhe anëtarësimit në organizata ndërkombëtare.
