Rusia i ka quajtur “histeri” pretendimet e NATO-s mbi shkeljet e hapësirës ajrore nga avionët rusë, pas komenteve të presidentit amerikan Donald Trump, që i kërkoi aleatëve të rrëzojnë avionët rusë nëse shkelin hapësirën e tyra ajrore.
Këto deklarata dhe tensionet ndodhin në kontekstin e një rritjeje të aktiviteteve të aviacionit ushtarak rus në Evropë.
Shtetet e NATO-s, përfshirë Estoninë, kanë raportuar se avionët dhe dronët rusë kanë depërtuar në hapësirat e tyre ajrore, duke i akuzuar ata për provokime dhe teste të kufijve të aleancës ushtarake perëndimore.
Zëdhënësi i Kremlinit, Dmitry Peskov, mohoi këto akuza dhe tha se ato ishin të pabaza, duke theksuar se avioni rus respekton rregullat e fluturimit.
Një incident i veçantë ndodhi javën e kaluar, kur avionët e NATO-s detektuan tre avionë luftarakë rusë duke e shkelur hapësirën ajrore estoneze mbi Gjirin e Finlandës.
Po ashtu, më 22 shtator, Danimarka mbylli një aeroport në Kopenhagen për shkak të dronëve të paidentifikuar, që detyruan ndërprerjen e dhjetëra fluturime, duke prekur mijëra pasagjerë.
Peskov, gjatë një konference për media, përsëriti se aviacioni ushtarak rus respekton të gjitha rregullat dhe veprimet e tij është në përputhje me normat ndërkombëtare.
Ai gjithashtu rikujtoi se ngjarje të ngjashme me dronë janë raportuar edhe në vende si Rumani dhe Poloni, duke e theksuar kështu se problemi është i përbashkët për disa vende evropiane.
