Ngjarja makabër e ndodhur një ditë më parë, mu në zemër të Tiranës dhe jashtë institucionit të arsimit, shkollës “Fan Noli” ka sjellë debate dhe në Kuvendin e Shqipërisë.
Ish-ministri i Brendshëm, Taulant Balla ka folur për ngjarjen e djeshme ku 14-vjeçari Martin Cani u masakrua me thikë nga bashkëmoshtari i tij, Mario Perallaj.
Balla tha se e kupton shumë mirë këtë situatë të vështirë, në të cilën ndodhen dhe familjarët e viktimës, pasi në të njëjtën moshë ka djalin e tij. Ministri theksoi se duke marrë shkas nga kjo ngjarje duhet të ashpërsojnë masat.
“Humbja e jetës së një nxënësi na ka prekur te gjithëve, është përgjegjësi e të gjithëve mirëpo është e rëndë të bësh politikë me ketë ngjarje. Kjo ngjarje duhet te na beje me përgjegjësi të gjithëve, si anëtare të Kuvendit e pres opozitën të thotë, ne jemi gati te mbështesim të gjjtha masat drastike qe duhen marrë.
Të marrim shkas nga kjo ngjarje për të ashpësuar dënimet që lidhen me një qasje të re në shkollave. Ngushëlloj familjen ta përballoj këtë situatë. Unë e kam djalin aq sa Martini dhe e di se sa e vështirë është kjo situatë. Se sa e tmerrshme do të thotë të kesh të bësh me vdekjen.
Ju keni bërë një krahasim pa lidhje të Kosovës dhe Serbisë, turp nuk keni. Nuk ka lidhje me ato vrasje që janë bërë”, tha Balla.
Ndërkohë, opozita vijoi me akuzat duke bërë përgjegjës qeverinë për krimin që ka kapluar vendin. Deputeti demokrat Dashnor Sula solli dhe njëherë në vëmendje masakrën me 4 të vrarë në Dobraç të Shkodrës.
“Hipokrizia juaj nuk ka fund, a vranë 4 qytetarë nga banda juaj në Shkodër, po i lëmë dy meqë qenkan njerëz që kanë problem me ligjin, po ata dy që lanë fëmijët mbrapa. U kujtua ndonjëri ju ti bëjë ngushëllim dhe derdhini lot krokodili sot sikur jeni të dhimbshëm”, tha Sula.
