Katy Perry ndau me fansat e saj, “KatyCats”, një postim të veçantë përkujtimor me rastin e njëvjetorit të albumit të saj “143”.
Në këtë postim, ajo reflektoi për vitin e kaluar, duke e përshkruar si një “mal me rrota” për shkak të vështirësive në karrierën e saj dhe kritikave që ka hasur, sidomos pas bashkëpunimeve të saj dhe gjatë performancave live.
Po ashtu, ajo bëri një bilanc të lidhjes së saj me Orlando Bloom, e cila përfundoi pas gjashtë vitesh dhe se ndarja ka qenë një eksperiencë sfiduese për të.
Perry theksoi rëndësinë e lidhjes me fansat dhe si ky album ka shërbyer për t’u rilidhur me ata, pavarësisht pengesave.
Ajo shkroi se është e rëndësishme të festosh fitoret dhe të reflektohesh mbi humbjet, duke shpresuar për një rritje të përbashkët në vitet që vijnë. “Shpresojmë të rritemi së bashku për vitet që vijnë dhe në fund të gjithë kësaj të jemi krenare dhe në paqe me sa mirë u përpoqëm në këtë botë të papërsosur”, shtoi Katy.
Gjithashtu, ajo ndau mendime të sinqerta mbi udhëtimin e saj gati 20-vjeçar në industrinë muzikore, duke e përshkruar atë si një proces të “dashur, testuar dhe gjykuar”.
Ajo pohoi se, përkundër sfidave, vazhdon të ndiejë forca dhe dëshira për të vazhduar. Postimi i saj ishte i shoqëruar me foto dhe video nga procesi i krijimit të albumit, momentet nga turneu “Lifetimes” dhe disa pamje personale.
Reagimi i Katy Perry-s erdhi disa javë pas deklaratave të Orlando Bloom që shkruante për ndarjen e tyre, duke siguruar se të dy do të vazhdojnë të jenë të angazhuar për rritjen e vajzës së tyre, Daisy Dove, 5 vjeçe.
