Një aksident i rëndë është regjistruar ditën e djeshme në Itali. Për shkak të aksidentit mësohet se një 35-vjeçar shqiptar ka humbur jetën. Ngjarja ka ndodhur në Desenzano të Italisë ndërsa një furgon përplasi motorin e shqiptarit. Viktima është identifikuar si Iliaz Ismaili.
Ai u dërgua i plagosur rëndë në spital dhe iu nënshtrua një operacioni gjatë natës. 35-vjeçari nuk arriti t’i mbijetonte plagëve të marra nga përplasja me furgon. Mësohet se Ismaili punonte si banakier në hotelin Villa Rosa në Desenzano.
