Ish-lideri demokrat Lulzim Basha, është rikthyer aktivitetit në rrjetet sociale, duke përditësuar fillimisht fotografinë e profilit. Ndoshta, në ditët në vazhdim, ai mund t’i rikthehet dhe angazhimit aktiv në politikën e ditës, edhe përse nuk e mori dot mandatin e deputetit në 11 Maj.
Ajo që tërhoqi më shumë vëmendjen e ndjekësve ishte veprimi i ish-politikanit i cili pas komenteve dhe reagimeve të shumta, disa ironike e disa plot humor, ka vendosur që “ta fshehë” nga kohështrirja (feed).
Qytetarët dhe ndjekësit e tij kanë vërshuar me komente nga më të ndryshme, si: “O i bukri i halles ti”, që sigurisht nuk është halla e Lulzim Bashës; “Heret qenke zgju o luli a thu pe naj anderr me Ramen, fli prap mos e prish gjumin o memja e 2025”.
“Je dhe do te mbetesh Lider i pakorruptuar”, shkruan një qytetare që duket se është simpatizante e tij; “King je, dil me shpesh se na morri malli te qeshim”, shkruan më tej një qytetar tjetër.
Nuk dihet ende nëse Basha ka ndonjë plan për të marrë pjesë në zgjedhjet e parakohëshme që do të mbahen në Tiranë, e kështu t’i jepte vetes mundësinë për t’u ulur edhe një herë pas shumë vitesh në karrigen e kryebashkiakut.
