Drejtoria e Hetimit të Krimit Kibernetik, në bashkëpunim me Prokurorinë pranë Gjykatës së Shkallës së Parë Fier, ka realizuar me sukses operacionin e koduar “Gjurmët Digjitale”, i fokusuara në luftimin e krimeve që prekin të miturit në mjedisin digjital. Gjatë hetimeve, është identifikuar dhe ndaluar një shtetas, I. M., 24 vjeç, banues në Lushnjë, i dyshuar për “Pornografi me të mitur”.
Gjatë kontrollit të ushtruar në shtëpinë e tij, autoritetet kanë sekuestruar pajisje elektronike që përmbanin materiale pornografike me të mitur, duke provuar kështu implikimin e tij në aktivitete të paligjshme. Hetimet vijojnë për të dokumentuar plotësisht veprimtarinë kriminale dhe për të identifikuar edhe individë të tjerë të përfshirë në këtë skandal.
Drejtoria e Hetimit të Krimit Kibernetik u bën thirrje qytetarëve, veçanërisht të rinjve, që të ndalojnë çdo formë ruajtjeje, shpërndarjeje apo qarkullimi të materialeve pornografike me të mitur. Ata theksojnë se kjo është një vepër penale shumë e rëndë, e cila ndëshkohet me deri në 10 vite burg. Madje, ruajtja apo shpërndarja e tyre, edhe pa qëllim fitimi, përbën krim.
Më tej, autoritetet u bëjnë thirrje të miturve që ndihen të shantazhuar, kërcënuar apo abuzuar online të mos heshtin, por të flasin dhe të drejtohen menjëherë pranë strukturave të Policisë së Shtetit. Policia ka për soldar të mbrojë, përkrahur dhe ndëshkuar autorët që përpiqen të dëmtojnë të miturit, duke theksuar se heshtja mbron vetëm autorët dhe jo viktimat.
Operacioni “Gjurmët Digjitale” tregon angazhimin e Policisë për të krijuar një ambient të sigurt për fëmijët dhe për të mbrojtur të ardhmen e shoqërisë nga krimet në botën digjitale. Ky angazhim është një hap i rëndësishëm në mbrojtjen e të drejtave të fëmijëve dhe parandalimin e veprimeve kriminale në internet.
