Policia e Tiranës ka vënë në pranga shtetasin R.Arifi, 20 vjeç, i shpallur në kërkim ditën e djeshme në kuadër të operacionit “Metoda”.
I riu, u arrestua në banesën e tij në Shkodër.
Ndërsa një ditë më parë, u vunë në pranga bashkëpunëtorët e tij J.Suca dhe S.Meti, 26 dhe 20 vjeç.
Sipas policisë, tre trë rinjtë në bashkëpunim me njëri-tjetrin trafikonin armë zjarri nga Shqipëria drejt Mbretërisë së Bashkuar.
Një ditë më parë u gjet dhe sekuestrua një armë zjarri pistoletë me silenciator, e ndarë në pjesë dhe e fshehur brenda një televizori, me qëllim për ta kaluar jashtë vendit pa u zbuluar.
