Tre oficerë u vranë dhe dy të tjerë mbeten në gjendje kritike, pas një të shtëne të ndodhur të mërkurën pasdite në një zonë rurale të Pensilvanisë qendrore.
Zyrtarët e drejtësisë amerikane bënë me dije se autori mbeti i vrarë në vendngjarje pasi u qëllua nga policia.
Ngjarja ka ndodhur dje teksa oficerët po ekzekutonin një urdhër gjykate, bën me dije CNN. Zyrtarët shtetërorë dhe të qarkut nuk kanë dhënë ende informacion shtesë për mënyrën se si ndodhi incidenti.
Ndërkohë FBI së bashku me agjentë nga Departamenti i Alkoolit, Duhanit, Armëve të Zjarrit dhe Eksplozivëve ndodhen në vendngjarje për të mbështetur, autoritetet lokale.
Prokurorja e Përgjithshme e SHBA-ve, Pam Bondi, shkroi në një postim në “X” : “Dhuna kundër zbatuesve të ligjit është një plagë për shoqërinë tonë dhe e papranueshme. Lutuni për oficerët e përfshirë.”
