Kandidati për deputet i PD-së në Tiranë, Ilir Alimehmeti foli në Log. News24, lidhur me “shpikjen” e Ramës në mandatin e katërt me ministren virtuale “Diella”, e cila do merret me prokurimet publike dhe tenderimet.
Alimehmeti e shikon si një koncept qesharak që Rama ia imponon debatit publik.
Më tej ai shton se nuk do të harxhojë asnjë sekondë të jetës së tij me diçka që sipas tij nuk ka asnjë vlerë, që kërkon të heq vëmendjen nga thelbi, vjedhjet dhe korrupsioni.
Ilir Alimehmeti: E para, ne më shumë interesant jemi të parët për gjërat e këqija dhe të fundit për të mirat. Të parët këtu i bie të jesh i pari në anën e të qenuri qesharak. Ky është koncept qesharak. Që nuk do doja të harxhoj sekonda të jetës sime. Këtë na imponon kryeministri. Nuk na përfaqësojnë këto, nuk na qeverisin këto pajisjet elektronike.
Dominimin e botës jetësore e kanë njerëzit. Nuk e di ta kenë marrë kompjuterat. Paguajnë njerëzit, qeverisjen njerëzit. Nuk ka entitete të çdo natyre. I bie të merremi me diçka komplet të pavlerë. Dhe të heqim sytë nga thelbi. Është shteti me korrupsionin ku ska shqiptarë që nuk e di se ç’bëhet me tenderat në Shqipëri. Kryeministrit i dha mend Europës së Bashkuar siç bëhen prokurimet në Shqipëri hajde shikojeni. Nëse ne fillojmë merremi me fasadat, do largohemi nga e vërteta.
Nuk i harxhoj sekondat e jetës sime. Janë gjëja më e rëndësishme për diçka që asnjë vlerë nuk ka.
