Një ngjarje tragjike ka ndodhur mbrëmjen e djeshme në Milano, ku një burrë 70-vjeçar, i cili tentoi të vetëvritej duke u hedhur nga ballkoni i banesës së tij në katin e katërt, përfundoi mbi një kalimtare 83-vjeçare që po ecte në trotuar, duke i shkaktuar vdekjen, raportojnë mediat italiane.
Ngjarja ndodhi në rrugën “Fratelli di Dio”, në periferinë jugperëndimore të qytetit. Gruaja humbi jetën në vend, pavarësisht ndërhyrjes së shpejtë të ekipeve të urgjencës.
Ndërkohë, 70-vjeçari mbijetoi dhe u transportua në gjendje të rëndë, por i vetëdijshëm, në spitalin Niguarda. Ai nuk është në rrezik për jetën.
