Bindja përshkruan aftësinë racionale për të vendosur opinionet tona në mënyrë që të ndikojmë në sjelljen e të tjerëve në përputhje me qëllimet tona.
Është përpjekja për të formësuar, forcuar ose ndryshuar ndjenjat, mendimet dhe sjelljen e një personi ose një grupi shoqëror për një çështje, person, objekt ose aktivitet.
Sot, bindja konsiderohet një aftësi e vlefshme komunikimi që ndihmon në dallimin e individit në mjedisin e tij profesional dhe social, pasi mund të çojë në marrëveshje të suksesshme, të rrisë shitjet, të promovojë idetë, të mobilizojë njerëzit dhe të nxisë ndryshimin.
Të bëhesh bindës nuk do të thotë t’i drejtohesh manipulimit ose lojërave të mendjes. Në fakt, komunikuesit më të fuqishëm kuptojnë se si mendojnë njerëzit, çfarë i shtyn zgjedhjet e tyre dhe si t’i paraqesin idetë e tyre në mënyrë më efektive.
Për ta bërë fjalimin tuaj më me ndikim, edhe në mediat sociale, përqendrohuni në sa vijon:
Qartësia
Kur ju duhet shumë kohë për të arritur tek pika juaj, rrezikoni të humbni vëmendjen e audiencës, që mund të nënkuptojë se nuk jeni në kontroll të mesazhit tuaj. Ndaj bëhuni më të qartë në atë se ç’ka dëshironi të thoni.
Zgjidhja e problemeve
Njerëzit nuk duan vetëm zgjidhje të shpejta. Ata duan ide të mira që flasin drejtpërdrejt me presionet dhe prioritetet e tyre. Bëni këtë lidhje dhe do të fitoni një avantazh konkurrues.
Komunikuesit bindës i riformulojnë mesazhet e tyre përmes lenteve të nevojave të audiencës së tyre.
Fuqia e fjalëve
Ndryshimet e vogla në zgjedhjen tuaj të fjalëve mund të ndryshojnë në mënyrë dramatike mënyrën se si dërgohet mesazhi juaj.
Merrni parasysh ndryshimin midis “Unë mendoj se duhet …” dhe “Në përvojën time …” Njëra sinjalizon pasiguri, tjetra ekspertizë. Apo nga “Unë përpiqem të …” kundrejt “Ne zbatojmë …”. E para tregon luftë, e dyta veprim i qëllimshëm.
Kërkoni mundësi për të zëvendësuar foljet e dobëta me ato më të forta.
