Stuhi të forta dhe shira të rrëmbyeshëm kanë goditur sërish Spanjën bregdetare, duke bërë që mijëra njerëz të evakuohen vetëm dy javë pasi vendi përjetoi përmbytje vdekjeprurëse në Valencia dhe komunitete të tjera aty pranë.
Pothuajse 3,000 njerëz dhe 1,000 shtëpi janë evakuuar në zonën e Malagës, tha të mërkurën Antonio Sanz, drejtori i Planit të Emergjencës për Rrezikun e Përmbytjeve në Andalucia.
Pesë zona pranë bregut të lumit Guadalhorce u evakuuan paraprakisht për shkak të rrezikut të tejmbushjes.
Sipas agjencisë meteorologjike të vendit AEMet, brenda vetëm një ore, reshje shiu me vlerë gati një muaji përmbytën qytetin e Malagës, në rajonin e Andaluzisë së Spanjës. Provinca jugore spanjolle mori afërsisht 100 milimetra (4 inç) shi të mërkurën, 78 milimetra (3 inç) prej të cilave ranë brenda një ore. Malaga normalisht është mesatarisht 100.5 milimetra në muajin nëntor.
Këshilli Bashkiak i Malagës lëshoi urdhra evakuimi të mërkurën pranë lumit Campanillas për shkak të rrezikut të tejmbushjes.
Ministria e Transportit dhe Lëvizshmërisë së Qëndrueshme ka njoftuar gjithashtu se kanë pezulluar shërbimin hekurudhor Málaga-Madrid për shkak të akumulimit të ujit në shina.
Alarmi i ashpër i motit në Malaga çoi në shtyrjen e ndeshjes së hapjes së Kupës Billie Jean King, e cila do të zhvillohej të mërkurën në mbrëmje mes Spanjës dhe Polonisë.
Zyra kombëtare e motit Aemet ka vendosur si Malagën ashtu edhe rajonin verilindor të Katalonjës në alarmin më të lartë për shi të fortë që pritet të zgjasë deri të premten.
