Ish kryetari i Bashkisë së Kukësit Safet Gjici, i cili ndodhet në burg për një skandal seksual ku u përfshi, ka kërkuar këtë të hënë lirimin nga qelia.
Këtë kërkesë e ka bërë me pretendimin se është i sëmurë! Sipas raportimeve, Gjici kërkesën e paraqiti me anë të avokatit të tij në Gjykatën e Elbasanit, por seaanca u shty për në datën 14 nëntor.
Aktet shëndetësore që u paraqitën nga Drejtoria e Përgjithshme e Burgjeve, do t’i paraqiten eksperëve të Inspektoratit të Mjekësisë Ligjore në Tiranë, në mënyrë që të bëhet një përpilim më i saktë për gjendjen shëndetësore të Gjicit. Ish-kryebashkiaku ka tentuar që të fitojë edhe më parë lirinë, duke thënë se nuk është në gjendje të mirë shëndetësore.
Safet Gjici u arrestua pas skandalit seksual në zyrën e tij, me Alma Kaçin, ndaj të cilës janë marrë gjithashtu masa nga autoritetet.
