Qytetarët e Vlorës të lënë në harresë nga institucionet, kanë filluar që të ndërmarrin vetë masa për t’i bërë ballë një përmbytje të ngjashme me atë të datës 4 tetor.
Në këtë foto, mund të shikoni se qytetarët kanë mbushur disa thasë me rërë, duke i vendosur përpara shtëpive dhe bizneseve, për të devijuar rrjedhën e ujit në rast të një situate të ngjashme me atë të disa javëve më parë.
Pastrimi i kanaleve që u mbushën me ‘dhe e mbeturina të sjella nga uji i vrullshëm nuk janë pastruar ende plotësisht nga Bashkia Vlorë.
Si pasojë e përmbytjeve në qytetin e Vlorës u dëmtuan të paktën 352 banesa dhe 80 biznese. Pronarët shprehen se ato ende nuk kanë marrë dëmshpërblim edhe pse janë kryer vlerësimet nga Bashkia e Vlorës.
