Presidenti i Serbisë, Aleksandar Vuçiç, theksoi së fundmi se ai u përgjigjet vetëm qytetarëve të vendit dhe refuzoi të pranojë ndikim të jashtëm mbi vendimet e Serbisë.
Në një video të postuar në llogarinë e tij në Instagram, Vuçiç u shpreh:
“Mendoj se është e gabuar dhe e rrezikshme të mendosh se Serbia është një njeri i vetëm, dhe unë nuk kam shef. Të vetmit të cilëve u përgjigjem janë qytetarët e Serbisë dhe populli serb, dhe nuk i përgjigjem askujt tjetër. As atyre në Perëndim, as atyre në Lindje.”
Ai shtoi se Serbia do të vazhdojë rrugën evropiane, por nuk do të vendosë sanksione ndaj Rusisë deri në fund të mandatit të tij:
“Po, Serbia është në rrugën evropiane dhe do të mbetet deri në fund të mandatit tim. Serbia nuk do të vendosë sanksione ndaj Federatës Ruse, ndërkohë që unë kam edhe shumicën dhe ndikimin mbi Qeverinë dhe Asamblenë Kombëtare të Serbisë.”
