Jessie J ka njoftuar se është e detyruar të shtyjë turneun e saj koncertesh për shkak të një operacioni të dytë që do t’i nënshtrohet si pjesë e trajtimit të kancerit të gjirit. Këngëtarja 37-vjeçare, e njohur si Jessica Cornish, zbuluar diagnozën e saj në qershor, kur nisi trajtimin për kancerin.
Në një video të postuar në Instagram, Jessie J shpjegoi se ndërhyrja kirurgjikale, megjithëse nuk është ndonjë gjë shumë serioze, është e nevojshme për t’u realizuar përpara fundit të vitit dhe bie në mes të turneut që kishte programuar. Ajo kishte parashikuar performanca në Mbretërinë e Bashkuar dhe Evropë në tetor, si dhe në Shtetet e Bashkuara në nëntor. Tanimë, datat e koncerteve në Mbretërinë e Bashkuar dhe Evropë do të shtyhen për në prill 2026, ndërsa turneu në SHBA është anuluar.
Jessie J ndjehet e frustruar dhe e trishtuar për këtë situatë, por e kupton se është vendimi i duhur për shëndetin e saj. Ajo ka vendosur ta ndajë këtë përvojë publikisht për të ndihmuar veten të përballet me situatën dhe për të treguar mbështetje për ata që po kalojnë të njëjtat sfida.
Këngëtarja ka pasur një histori të gjatë me probleme shëndetësore, duke përfshirë një diagnozë me një problem në zemër në moshën tetë, një goditje të lehtë në tru në moshën 18 vjeçare, dhe humbjen e përkohshme të dëgjimit në vitin 2020. Në 2023, ajo u bë nënë e një djali pas një aborti spontan në nëntor 2021.
Jessie J është një artistartiste shumë e njohur, me tri këngë që kanë arritur në krye të listave në Mbretërinë e Bashkuar dhe është fituese e disa çmimeve të rëndësishme muzikore, përfshirë katër çmime Mobo dhe një çmim “Brit”. Ajo gjithashtu ka qenë e nominua për çmimin Grammy për bashkëpunimin e saj me Ariana Grande dhe Nicki Minaj në këngën “Bang Bang”. Kënga e saj, “Who You Are”, ka pasur një ndikim të madh në karrierën e saj muzikore.
