GJIROKASTËR – Një aksident me pasojë vdekjen është regjistruar në aksin Gjirokastër-Tepelenë. Ngjarja ka ndodhur në Humelicë.
Një endacake, këmbësore, është përplasur nga një automjet dhe si pasojë ka gjetur vdekjen.
Hëna Maxhalaku, 62 vjeç, vuante nga probleme të shëndetit mendor. Viktima po ecte në mes të rrugës.
“Rreth orës 19:50 në aksin rrugor “Gjirokastër – Tepelenë”, në afërsi të fshatit Humelicë, shtetasi E. M., 54 vjeç, banues në Gjirokastër, duke drejtuar automjetin, ka përplasur këmbësoren, shtetasen H. M., 62 vjeçe, banuese në Tiranë, e cila si pasojë e përplasjes ka humbur jetën në vendngjarje”, njofton policia.
Shtetasi E. M., u shoqërua në Komisariat për veprime të mëtejshme.
Grupi hetimor po punon për sqarimin e plotë të rrethanave të aksidentit.
