Presidenti amerikan Donald Trump ka kritikuar ashpër homologun ukrainas Volodymyr Zelensky, duke deklaruar se sa herë ai largohet nga Shtëpia e Bardhë merr me vete miliona dollarë.
Në një intervistë, Trump gjithashtu tha se ka folur me presidentin rus Vladimir Putin, duke përshkruar bisedën si “të mirë” dhe të frytshme. Ai theksoi se SHBA-të nuk do të shpenzojnë më para për Ukrainën dhe se prioritet i tyre është NATO, jo ndihmat financiare për Kievin.
Trump komentoi gjithashtu mundësinë e një takimi mes Putinit dhe Zelenskyt, duke thënë se Putin nuk dëshiron të takohet me liderin ukrainas sepse nuk e pëlqen. Ai shtoi: “Nëse unë do të kisha qenë president, kjo luftë nuk do të kishte ndodhur kurrë.”
