Një aksident i rëndë rrugor ka ndodhur mbrëmjen e së premtes në bypass-in e Vlorës, ku janë përplasur dy automjete, një Nissan dhe një Mini Cooper.
Si pasojë e përplasjes, automjeti Mini Cooper është përmbysur në mes të rrugës, duke shkaktuar lëndimin e një personi. Një nga drejtuesit e mjeteve është transportuar me urgjencë në spitalin rajonal të Vlorës, ku po merr ndihmën e nevojshme mjekësore.
Në vendin e ngjarjes ndodhen shërbimet e Policisë dhe grupi hetimor, të cilët po punojnë për sqarimin e rrethanave dhe shkaqeve të aksidentit.
