Muajt korrik dhe gusht në Portugali shënuan disa paralajmërime për temperatura të larta që përkuan me një rritje të ndjeshme të vdekshmërisë.
Sipas të dhënave të analizuara nga Sistemi i Informacionit të Certifikatave të Vdekjes (SICO), për 20 ditë radhazi u raportua nivel i lartë vdekshmërie, një rritje relative prej 25%.
Sipas Drejtorisë së Përgjithshme për Shëndetësi (DGS), vdekjet e tepërta ndodhën në të gjitha rajonet e vendit, por me një shkallë më të lartë në veri, zonat qendrore dhe rajonin jugor të Alentejo-s.
Autoriteti shëndetësor tha se temperaturat e larta ishin faktori kryesor, duke nxitur dehidratimin dhe duke përkeqësuar sëmundjet kronike, veçanërisht sëmundjet kardiovaskulare dhe të frymëmarrjes, tek njerëzit më vulnerabël.
Të dhënat nga Instituti Kombëtar i Shëndetit Dr. Ricardo Jorge tregojnë se kjo vdekshmëri e tepërt është vërejtur kryesisht tek të moshuarit.
Instituti Portugez për Detin dhe Atmosferën (IPMA) konfirmoi se ishte korriku i këtij viti ishte i 9-ti më i nxehtë që nga viti 1931, “me vlera të temperaturës së ajrit më shumë se 3°C mbi mesataren mujore në datat 3, 4, 30 dhe 31”.
Pavarësisht vdekshmërisë së tepërt, të dhënat e akumuluara deri më 18 gusht tregojnë se numri i përgjithshëm i vdekjeve (77,292) është në përputhje me të njëjtën periudhë në vitin 2024 (76,849).
