Një aksident automobilistik ka ndodhur pasditen e sotme në Ksamil, në zonën e quajtur Arameras, ku një këmbësor mbeti i plagosur rëndë.
Sipas policisë, 21-vjeçari Eni Taraj, duke drejtuar një automjet tip Fiat me targa AB 239 RD, ka përplasur këmbësorin Fernando Elmazi, 23 vjeç, i cili ndodhej pranë një automjeti tjetër tip Toyota me targa AB 442 OL. Përplasja i ka shkaktuar dëmtime të rënda në gjymtyrë të riut.
Menjëherë pas aksidentit, shoferi është larguar nga vendngjarja duke braktisur makinën, por pak më vonë është rikthyer.
Fernando Elmazi po merr ndihmën e parë në spitalin e Sarandës, ndërsa për shkak të gjendjes së rëndë shëndetësore pritet të transportohet drejt Tiranës.
