Videokonferenca e liderëve europianë me Presidentin ukrainas Volodymyr Zelensky përfundoi të dielën, disa orë para takimit vendimtar në Shtëpinë e Bardhë me Presidentin e SHBA-së Donald Trump.
Ministri i Jashtëm polak theksoi pas takimit se qëndrimi i përbashkët i Evropës mbetet i qartë: “Për të sjellë paqe, duhet të ushtrohet presion mbi agresorin, jo mbi viktimën”.
Gjatë videokonferencës, liderët u informuan mbi rezultatet e takimit midis Trump dhe Presidentit rus Vladimir Putin dhe diskutuan përpara përballjes së nesërme në Shtëpinë e Bardhë, ku do të jenë të pranishëm edhe liderët kryesorë europianë.
Në këtë takim pritet të marrin pjesë Presidenti i Komisionit Evropian, Kancelari i Gjermanisë, Presidentët e Francës dhe Finlandës, Kryeministrat e Italisë dhe Mbretërisë së Bashkuar, si dhe Sekretari i Përgjithshëm i NATO-s.
Ky është një moment kyç për koordinimin e qëndrimeve ndërkombëtare mbi konfliktin në Ukrainë dhe presionin ndaj agresorit.
