Kur duket se zhurma rreth vizitave të vajzave të showbizit në burgje po zbehet, Dea Mishel ka vendosur t’i rikthejë vëmendjen me një postim thumbues në rrjet.
Ish-banorja e “Big Brother VIP” ka publikuar në Instagram një mesazh të marrë nga një i burgosur, i cili i shkruante:
“Po ne që jemi në burg, çfarë taksirati kemi të shohim shalët e tua?”
Përgjigja e Deas nuk ka kaluar pa u vënë re, pasi ajo u përgjigj në mënyrë ngacmuese:
“A thonë erdhi radha ime për të më dalë emri në listat e vizitës.”
Megjithëse më pas shtoi se e gjitha ishte një shaka.
Kujtojmë se vetëm pak javë më parë, publikim i skandalit të takimit special në burgun e Drenovës mes kosovares Ziza Pajaziti dhe të dënuarit me burg përjetë Laert Haxhiu bëri mjaft bujë në rrjet, duke nxjerrë nën zë edhe emra të tjerë të ekranit e rrjeteve sociale.
Mesa duket, edhe pse me “shaka”, tema vijon të mbetet shumë delikate dhe Dea Mishel ka zgjedhur të luajë me zjarrin./ilirianews.al
