Detaje të reja janë zbardhur nga përleshja e dhunshme që ka ndodhur gjatë një feste familjare në restorantin “Grand Events” në fshatin Shkabaj, përgjatë aksit Prishtinë–Mitrovicë, ku këngëtari Shpat Kasapi dhe vëllai i tij u sulmuan fizikisht nga disa persona.
Sipas të dhënave paraprake, në konflikt ishte i përfshirë edhe dhëndri i dasmës ku Kasapi ishte i ftuar të performonte. Sherri mendohet se shpërtheu pas vonesës së këngëtarit në skenë, ndërsa burime jozyrtare pretendojnë se ai kishte mbërritur në gjendje të dehur.
Situata eskaloi, duke çuar në dhunë fizike ndaj Kasapit dhe vëllait të tij, të cilët u goditën rëndë. Policia arrestoi tre të dyshuar, ku një prej tyre u vendos në paraburgim, ndërsa dy të tjerët u liruan në procedurë të rregullt.
Hetimet vijojnë për të sqaruar rrethanat e ngjarjes.
