Mbrëmjen e sotme në Tiranë, qytetarët po protestojnë përpara Ministrisë së Brendshme për masakrën e Shkodrës, ku u vranë katër persona dhe autorët nuk janë zbuluar ende.
Protestuesit mbanin në duar pankarta të ndryshme, ku mes të tjerash dallohej edhe thënia e famshme e kryeministrit Edi Rama “Hëngshin kokat e veta”.
Gjithashtu, protestuesit mbanin në duar edhe hartën e Shqipërisë, të lyer me gjak, për të treguar që “vendin e ka mbuluar krimi”.
Kujtojmë se Shkodra u trondit nga një ngjarje tepër e rëndë në Dobraç, ku u vranë Hamza Lici e Arlind Bushati, si dhe çifti i martuar, pa lidhje me ngjarjen, Bashkim Basha dhe Flutura Basha.
Autorët dogjën mjetin e krimit dhe policia nuk ka zbuluar asnjë person të përfshirë në atentatin me 4 viktima.
