Teksa ditë më parë Portugalia dhe Spanja u përballën me zjarre të shumta të nxitura nga temperaturat e larta, erërat e forta dhe kushtet e thata, një video me interval kohor të temperaturës në Spanjë dhe Portugali tregon se këto vende do të arrijnë deri në 40 gradë Celsius në ditët në vijim.
Sipas agjencisë shtetërore meteorologjike spanjolle, temperaturat mund të kalojnë edhe 42°C rreth lumenjve Guadiana dhe Guadalquivir.
Temperaturat e larta pritet të vazhdojnë të paktën deri të enjten, më 7 gusht.
Anticikloni afrikan ka pushtuar gjysmën e Europës, duke shënuar rekorde të temperaturave të larta. Por vendet që do të vuajnë më shumë pasojat janë Spanja dhe Portugalia.
Verat e nxehta dhe të thata janë të zakonshme në të gjithë rajonin, por valët më intensive të nxehtësisë kanë kontribuar në zjarret shkatërruese në vitet e fundit, për shkak të rritjes së shpejtë të temperaturave në të gjithë globin, me Portugalinë dhe Spanjën që kanë pasur qershorin më të nxehtë të regjistruar ndonjëherë.
