Një ngjarje tronditëse ka ndodhur në aeroportin Josep Tarradellas Barcelona-El Prat, ku një çift ka lënë djalin e tyre në terminal pasi pasaporta e tij kishte skaduar, për të shmangur humbjen e fluturimit për në vendin e tyre të origjinës.
Sipas mediave, ngjarja u bë publike falë një videoje të postuar në TikTok nga një oficere policie që ishte në kontrollin e trafikut ajror. Ajo tregoi se prindërit kishin vendosur të mos humbnin fluturimin dhe për këtë arsye, lënë fëmijën në aeroport dhe thirrën një të afërm që ta merrte.
“Pasaporta spanjolle e fëmijës kishte skaduar dhe ai kishte nevojë për vizë për të hyrë në vendin e destinacionit. Meqë nuk e kishin, vendosën të mos e presin dhe e lanë në terminal,” tha kontrollorja e trafikut ajror.
Stafi i aeroportit e gjeti fëmijën dhe njoftoi autoritetet. Sipas informacionit të publikuara, fëmija kishte shpjeguar se prindërit e tij tashmë ishin nisur për pushime me një fëmijë tjetër më të vogël.
Piloti i avionit, sapo u informua për situatën, bëri një njoftim në kabinën e pasagjerëve duke pyetur nëse dikush kishte harruar një fëmijë në terminal. Fillimisht, nuk pati asnjë reagim por më pas prindërit u identifikuan.
Fluturimi ishte ngritur tashmë, kur autoritetet kërkuan kthimin e avionit në Barcelonë. Pas uljes, çifti u shoqërua nga policia për në komisariat për të marrë djalin e tyre.
